Monthly Archives: October 2009

ကန်စွန်းမြစ်ယို ချိုချိုလေး

7 Replies
ငယ်ငယ်ကတည်းက ကန်စွန်းဥဆိုရင် သိပ်ကြိုက်တာပဲ ပြုတ်ပြီး ဆီနဲ့ဆားနဲ့တို့စား။ နောက်တော့ တစ်ခါတစ်လေ မာမီက ကန်စွန်းဥကို ယိုထိုးပေးတတ်တယ် အောက်ပြည်အောက်ရွာမှာတော့ ကန်စွန်းဥ ဟာလဝါခေါ်မယ်ထင်တယ် သိပ်တော့မသေချာပါ။ မြေပဲဆန်လေး အုန်းသီးကြော်လေးနဲ့ ကန်စွန်းဥယိုချိုချိုလေးကို အရမ်းကြိုက်တယ်။ တစ်ခါတစ်လေ မာမီမအားတော့ လုပ်မပေးနိုင် ဒီတော့အဖေဖြစ်သူကို အပူကပ်ရတယ်။ အဖေဖြစ်သူကလုပ်ပေးပါတယ် ဒါပေမယ့် သူ့မူအတိုင်း တစ်ခါပဲလုပ်ပြပေးမယ် နောက်မင်းစားချင်ရင်မင်းဟာမင်းလုပ် ခက်ခဲတဲ့အလုပ်လည်း မဟုတ်ဘူးတဲ့။ ဒီလိုနဲ့ပဲ ငယ်ကတည်းက ကန်စွန်းမြစ်ယိုထိုးတတ်တာပါပဲ။

အခုလည်း ကန်စွန်းဥတွေတွေ့လို့ စျေးကနေဝယ်လာဖြစ်တယ် အရင်အပါတ်တွေကလည်း မအားလို့သိပ်ပြီး ချက်မစားနိုင်ဖြစ်နေတာနဲ့ နည်းနည်လေး အလုပ်ပါးချိန်လေးတစ်ခုခုတော့ လုပ်စားဦးမယ်ရည်ရွယ်တာပါ။ ကန်စွန်းဥယိုလုပ်ရတာ သိပ်မခက်ပါဘူး လွယ်ပါတယ်။ လိုအပ်တာတွေကတော့ (၁) ကန်စွန်းဥ (၂) မြေပဲလှော် (၃) သကြား (၄) အုန်းသီးကြော် (၅) ထောပတ် (၆) ဆီ (၇) ဆားနည်းနည်း ဒီလောက်ဆို အကုန်စုံပါတယ်။ အုန်းသီးကြော်တော့ မကြော်နိုင်တာနဲ့ မထည့်ဖြစ်တော့ဘူး။

ကန်စွန်းဥကိုပြုတ်ပြီးရင် အခွံခွာပြီး ခြေထားလိုက်ပါတယ်။ ပြီးရင်တော့ ဒယ်အိုးမှာဆီထည့် ထောပတ်ထည့်ပြီး ဆီပူအောင်တယ်ပါ။ ဆီမထည့်ချင်လည်း ထောပတ်ပဲ ထည့်ချင်တယ်ဆိုလည်း ဖြစ်ပါတယ်။ ပြီးရင်တော့ ဆီထဲကို သကြားထည့်ပါ။ သကြားအရောင်နီလာပြီး အရည်ပျော်တဲ့အချိန်အထိ စောင့်နေပါ အရည်ပျော်ပြီးနီလာပြီဆိုတာနဲ့ ခြေထားတဲ့ ကန်စွန်းဥတွေကိုထည့်ပါ။ နောက်ကျလို့မရပါ နောက်ကျရင်တော့ သကြားတူးသွားပြီး အရသာနည်းနည်း ခါးသွားတတ်ပါတယ်။ ဒါကို အနောက်တိုင်း ဟင်းချက်နည်းမှာတော့ Caramelization လို့ခေါ်ပါတယ် သကြားနဲ့ အရောင်ဆိုးတာပါ။ Rum အရက်ကို အရောင်နီအောင်လည်း သကြားလှော်နဲ့ဆိုးထားတာပါ။ တစ်ချို့ကတော့ သကြားကို ကန်စွန်းဥနဲ့ ရောနယ်ပြီး ဒယ်ပေါ်မှာပဲအရောင်နီလာတဲ့အချိန်အထိ မှေလေ့ရှိပါတယ် ဒါလည်းကောင်းပါတယ် ဒါပေမယ့် စိတ်မရှည်ပဲချလိုက်ရင်တော့ ကန်စွန်းဥယို အရောင်မလှတော့ပါဘူး အနီရောင်မသမ်းလာတော့ပါဘူး။ ဒယ်အိုးထဲမှာ သကြားအနီရောင်နဲ့ ကန်စွန်းဥကို သမအောင်မှေပါ ဆားနည်းနည်းထည့်ပါ ပြီးရင် ကန်စွန်းဥအပေါ်မှာ ဆီလေးတွေ ပြန်လာတဲ့အထိ မှေရပါမယ် ထမင်းနဲ့ထိုးသလိုဖြစ်နေလို့ နည်းနည်းတော့ပင်ပန်းပါတယ်။ ဆီပြန်လာပြီ ထောပတ်နံလေးမှေးလာပြီဆိုရင်တော့ မြေပဲလှောအခွံခွတ်ထားတာလေးတွေ ထည့်လို့ရပါပြီ။ ဒါဆိုရင်တော့ ကန်စွန်းဥယို ချိုချိုနဲ့ ထောပတ်န့ မှေးမှေးလေးရပါပြီ။ ဘလော့အလည်လာသူများ သုံးဆောင်သွားကြပါဦး။

Security Analysis And Data Visualization

5 Replies
စာရေးမယ်ဆိုတော့လည်း လိုင်းစုံအောင်ပြန်ရေးမယ်စဥ်းစားတယ် လာတဲ့လူတွေကလည်း လိုင်းစုံတယ် လျောက်ရေးတာတွေပဲ ဖြစ်နေပြန်လည်းမဖြစ်ဘူး နည်းပညာသက်သက်ရေးတဲ့ ဘလော့အဖြစ် သက်သက်လည်း လုပ်ဖို့အစီအစဥ်မရှိပြန် ဒီတော့လိုင်းစုံအောင်ရေးဦးမယ်။ ရောက်တတ်ရာရာရေးလိုက် ကိုယ်စိတ်ဝင်စားတဲ့ နည်းပညာအကြောင်းပြောလိုက်ပေါ့။ နည်းပညာဆိုတော့လည်း ခက်တော့အခက်သား သူများလိုလည်းကိုယ်ကမလုပ်တတ် စက်ပျက်တောင် စိတ်ရှုပ်မခံဘူး System Restore လုပ်ချလိုက်တာကိုး တိုလီမိုလီလည်း မပြင်တတ်ဘူး တစ်ခါတစ်ခါလာမေးတယ် ဘလော့ကို အလှဆင်ချင်တာတဲ့ မသိဘူးခင်ဗျလို့ ပြောတော့စိတ်ဆိုးတယ် ဟုတ်တယ်လေ သိမှမသိတာ ကိုယ်တောင် ကိုယ့်ဟာကိုယ်မရေးတတ်လို့ သူများရေးထားတဲ့ Template ယူတင်ထားတာလေ ပြောရင်ယုံမှာမဟုတ်ဘူး HTML Tag တွေတောင် အကုန်အလွတ်မရဘူး လိုရင်ပြန်ကြည့်ရတယ်။ ကိုယ်စိတ်ဝင်စားတာတွေ ရေးပြန်တော့လည်း ဘယ်သူမှ စိတ်မဝင်စားပြန်ဘူး။
ဒီရက်ပိုင်းတော့ Information တွေကို Visualize လုပ်တာတွေ ဖတ်နေတာများတော့ အဲဒါတွေပဲစိတ်ရောက်နေတယ်။ Data တွေကို Visualize လုပ်ထားရင်လည်း Information ဖြစ်လာတာပါပဲ ဒါကိုလည်း Information Visualization ထဲမှာပါတာပါပဲ။ အခုနောက်ပိုင်းတော့ Information Visualization ကို Information Retreival တွေမှာသုံးနိုင်ရင်တော့ ပိုပြီးကောင်းမယ်လို့ မြင်မိတယ် ဒါပေမယ့် အခုထက်ထိ Information Retreival ဆိုတာကလည်း Google တောင် 2nd Generation ကနေ ဆယ်စုနှစ်တစ်ခုရှိပြီ မတက်လာသေးဘူး။ 3rd Generation မှာတော့ Information Visualization ကအရေးပါတဲ့ အခန်းကနေပါလာမှာတော့ သေချာပါတယ်။ အခုထက်ထိတော့ ဒီနှစ်ခုပေါင်းစပ်ရေးဟာ သုတေသန ခန်းထဲကကိုထွက်မလာနိုင်သေးဘူး။
ဒီနေ့တော့ မတူညီတဲ့အစွန်းနှစ်ဘက် ပေါင်းထားတဲ့ စာတမ်းတစ်စောင်တွေ့လို့ဖတ်မိတယ်။ Computer Security နဲ့ Visualization ဘယ်လိုမှ ဆက်စပ်လို့မရသလောက်ပါ။ Computer Security ဆိုတာက Computer Technology သက်သက် ၉၀% လို့ပြောလို့ရပါတယ်။ Visualization ကတော့ Social Science ဘက်မှာ ၈၀% ရှိပါလိမ့်မယ်။ Security Tools တွေကနေ စုဆောင်းလို့ရလာတဲ့ Data တွေဟာ ပြောမယ်ဆိုရင် အင်မတန်ရှုပ်ထွေးပါတယ်။ Network အရွယ်အစားနဲ့ Data ပမာဏဟာ တိုက်ရိုက်အချိုးကျပါလိမ့်မယ်။ ဒီလို Data တွေကို Analyze လုပ်တဲ့နေရာမှာ Visualize Tools တွေက ဘယ်လိုအလုပ်တွင်ကျယ်စေတယ်ဆိုတာကို စနစ်တကျ ရေးပြထားတာပါ။ Presentation Style ကိုပြောပါဆိုရင် Usability အမြင်တွေကို Tools အမျိုးမျိုးနဲ့ ဥပမာပြထားပါတယ်။ Contribution အနေနဲ့ကတော့ Security နဲ့ ပါတ်သက်တဲ့ Data တွေအကြောင်းရယ် Capture ဘယ်လိုလုပ်သလဲရယ် နောက်ပြီးတော့ Data တွေကို Process ဘယ်လိုလုပ်သလဲလည်း ဆက်ရေးပါတယ်။ ပြီးရင်တော့ Process လုပ်ပြီးသား Security Related Data တွေကို Visualize လုပ်ပုံကို သက်ဆိုင်ရာ Data အလိုက် Tools အမျိုးမျိုးနဲ့ ပြောထားပါတယ်။ ပြီးရင်နောက် Visualized Data တွေကိုကြည့်ပြီး ဘယ်လို စီမံခန့်ခွဲရေးမှာ အသုံးဝင်မယ်ဆိုတာကို တင်ပြထားပါတယ်။
ကိုယ့်အမြင်ကိုပြောပါဆိုရင်တော့ Security အကြောင်း စိတ်မဝင်စားပေမယ့် Visualization ဘယ်လိုလုပ်တယ်ဆိုတာတွေတော့ စိတ်ဝင်စားမိပါတယ်။ ဖတ်မယ်ဆိုရင်တော့ Information Visualization ကိုလည်းနားလည်ရမယ် Domain Data ဖြစ်တဲ့ Security အကြောင်းလည်း အထိုက်အလျောက်သိရမယ် ဒါဆိုရင်တော့ ဖတ်လို့အဆင်ပြေမယ်ထင်ပါတယ်။ တစ်ဘက်ပဲသိတဲ့လူဆိုရင်တော့ သိပ်အလုပ်မဖြစ်ပြန်ဘူး တင်ပြထားတဲ့အကြောင်းအရာကို တစ်ဝက်ပဲဖတ်လို့ရသလိုဖြစ်နေပါမယ်။ ဘာမှမသိပေမယ့်လည်း ဗဟုသုတတော့ ဖတ်လို့အဆင်ပြေပါတယ် အခြေခံကျတဲ့စာတွေကနေ စပြီးလူတိုင်း နားလည်အောင်ရေးထားပါတယ်။ Security ဆိုတာ တံခါးပေါက်စောင့်လို့ပဲ သိတဲ့ကျွန်တော်တောင် ဖတ်လို့ရပါတယ်။ ကိုးကားဖို့ကတော့ အရမ်းခိုင်မာတဲ့နေရာက လာတဲ့စာတမ်းမဟုတ်လို့ ပြဿနာရှိပါတယ် နောက်ပြီးတော့ အခြေခံအကြောင်းအရာတွေပဲဖြစ်လို့ ကိုးကားလို့ကောင်းတဲ့ စာတမ်းလည်းမဟုတ်ပ

ဘလော့မားကက်တင်း

6 Replies
ဘလော့ကို လူဝင်ဖို့ဆိုတာက မားကက်တင်းဆင်းဖို့ကလည်း လိုသေးတာကိုးဗျ ကိုယ့်ဟာကိုယ် ဆတ်ဆော့ပြီးရေးတာတော့ ဟုတ်ပါတယ်လေ လာမယ့်မလူမရှိတော့လည်း တစ်ယောက်တည်း စကားပြောနေရသလို ငပေါကြီးဖြစ်နေတယ် မဟုတ်လား။ ဖတ်တဲ့လူက ကြိုက်ကြိုက်မကြိုက်ကြိုက် ကောင်းတယ်ပြောပြော မကောင်းဘူးပြောပြော Response တော့လို့တယ်ဗျ။ စာသိပ်မရေးတော့ လူလည်းသိပ်မလာတော့တာ ကြာပါပြီလေ စာမရေးလို့မလာတာလားဆိုတော့ ပြန်စဥ်းစားတော့ ဟုတ်လည်းဟုတ်တယ် ဟုတ်လည်းမဟုတ်ပြန်ဘူး အရင်ဆိုရင်စာမရေးလည်း ရေးပါဦးလို့တော့လာအော်ကြတယ်။
အသေအချာစဥ်းစားကြည့်တော့ ပထမတစ်ချက်က ကိုယ်ကလည်း သူများဆီသွားဦးမှ ကိုယ့်ဆီလည်း အနည်းဆုံးတော့ အားနာပြီးလာလည်မှာပေါ့။ အရင်ကတော့ အားနေတော့သွားပါတယ် တွေ့ရာဘလော့မှာ ဝင်ပြီးအာလူးဖုတ်တတ်ပါတယ် နောက်တော့ မအားလို့မရောက်ဖြစ်ရာကနေ မိတ်ဆွေတွေ အဆက်ပြတ်ကုန်တာဖြစ်မယ်။ ရောက်ရင်လည်းရောက်ကြောင်းတော့ ChatBox မှာအော်ခဲ့မှအဆင်ပြေမယ်လေ ကိုယ်ရောက်ခဲ့ပါတယ်ပေါ့။ အလည်မထွက်လို့ လူမဝင်တဲ့ဘလော့ကို ပြပါဆိုရင် ကိုကိုဒီဘီဘလော့ပဲ ပြရမယ်ထင်တယ် သူလည်းစာရေးပျက်ရာကနေ လူတွေသိပ်မလာဘူး ပြောနေတာ တစ်ကယ်က သူကမှမအားလို့ မလည်မထွက်နိုင်တော့တာကိုးဗျ။ အိမ်အလည်ထွက်လို့ လူအဝင်များတဲ့ ဘလော့ကို ပြပါဆိုရင် ဘွားကွန်ဘလော့ကတော့ လူအင်မတန်များသကိုး။ ဘွားကွန်ကတော့ သူပြောသလိုပဲ ဘလော့ကို ပရော်ဖက်ရှင်နယ်ရေးဆိုသလို အချိန်တယ်ပေးနိုင်တယ် လာတဲ့လူကိုလည်း ချိုချိုသာသာဧည့်ခံတတ်တယ်။ ဘလော့ဘယ်လောက်များများ လာသွားတယ်ဆိုရင် ပြန်ပြီးအလည်လာတတ်ပါတယ်။ ဒါ့ကြောင့်လည်း လူချစ်လူခင်များသကိုးဗျ။ ကိုယ့်လိုလူကတော့ လာလည်လည်း သွားတော့လည်တယ် မတော်မတည့်တွေ လျောက်လျောက်ပြောခဲ့တော့ လူအမြင်ကပ်သပေါ့။
နောက်တစ်ချက်က ဘလော့ဂါကိုပြောင်းလိုက်တာရယ် ဒိုမိန်းနာမည်ပြောင်းလိုက်တာရယ်ကလည်း တစ်ချက်ပါမယ်ထင်တယ်။ နာမည်အသစ်က မှတ်ရခက်သတဲ့ ဟုတ်တော့လည်းဟုတ်ပါတယ် ဘိုနာမည်ရွေးလိုက်မိတာကိုး။ ဘိုနာမည်ရွေးလိုက်တာက အစက ဘိုလိုလည်းရေးမလို့ပါ ဒါပေမယ့်လူကငပျင်း ဘိုလိုရေးတဲ့ဘလော့ကို အခုထက်ထိ မစဖြစ်သေးဘူး။ အစက Free Host တစ်ခုမှာတင်ထားတော့ ကံဆိုးချင်တော့ Database Server ကခဏခဏ ဒေါင်းသကိုး Database နဲ့ Research လုပ်တဲ့လူ Database ပြဿနာတက်သလားလို့ ရွဲ့မေးချင်မေးကြပါမယ် အလကားရတာသုံးတော့ အတွန့်တက်လို့မရဘူးကိုးဗျ။ ဒါနဲ့စိတ်ရှုပ်တာနဲ့ ဘလော့ဂါကိုပြောင်းလိုက်တယ်။ အရင်လည်းကိုယ့်ဒိုမိန်းနဲ့ကိုယ် သုံးနေတာဆိုတော့ ပြောင်းလည်းပြဿနာမဟုတ်ပါဘူး ဗမာပြည်ကလူလည်း ဝင်လို့ရပါတယ် ပြဿနာက Comment ရေးမရဘူးတဲ့ ဒီတော့ဘာလုပ်ရမယ်မသိတော့ဘူး Hosting တစ်ခုပဲဝယ်ပြီး ပြန်တင်မယ်စိတ်ကူးပြန်တော့ ဘလော့ဂါလို အလုပ်ရှုပ်ကင်းပြီး Performance ကောင်းတဲ့ဟာကိုလည်း လက်ကမလှတ်ချင်ပြန်ဘူး။ Comment ကိစ္စကတော့ တစ်မျိုးစီစဥ်ရဦးမယ် မရရင်တော့ ကိုယ့်ဟာကိုယ်ပဲ ပြန်ပြောင်းရမှာပဲ မတတ်နိုင်ဘူး။
ဒါနဲ့အခုရက်ပိုင်း မားကက်တင်းပြန်ဆင်းနေရတယ် ဘလော့လည်ထွက်ချိန် တစ်နာရီသတ်သတ်ဖယ်ထားရတယ် မားကက်တင်းကောင်းလို့ထင်တယ် Statistic တွေပြန်စစ်တာ တော်တော်တိုးတက်လာတယ် Return Back တွေ Duration တွေပြန်တက်လာတယ်။ သြော်…. မဖြစ်သေးပါဘူး ဘလော့မားကက်တင်းလေး လုပ်ထားဦးမှပါ မဟုတ်ရင်ဘလော့လည်း သရဲခြောက်မှာကြောက်ရတယ်။