မြို့မရယ် ဒါးတန်းရယ် ကသစ်ပန်းရယ်
Tue 17 November 2009ဒါးတန်းဆိုရင် မျက်စေ့ထဲမြင်မိကြတာက ဘိလပ်ရည် ဒါးတန်းဘိလပ်ရည်ဆိုတာ အရင်ကတော့ ဒါပဲရှိတာကိုးဗျ။ အခုခေတ်လို အချိုရည်အမျိုးစုံမှ မပေါ်သေးတော့ ဒါးတန်းက ဘိလပ်ရည်ပဲ မန်းလေးသားများ သောက်ရတာပါပဲ။ ငယ်ငယ်ကတော့ ဝယ်သောက်ပါတယ် ကရင်ဆော်ဒါဆိုတာကို ဘိုလိုများ ဂရင်းဆိုဒါ လို့သွားပြီးမပြောနဲ့ မရှိဘူးပြောလှတ်လိမ့်မယ်။ ဒါးတန်းကို လူသိများတာက ဘိလပ်ရည်ရယ် နောက်တစ်ခုကတော့ မြို့မအသင်းရယ်။ မြို့မသင်းကို စတင်တည်ထောင်တုံးက အမာခံကြီးတစ်ယောက်က ဒါးတန်းဦးသန့်။ ဒီ့အပြင် နောက်ပိုင်းလူတွေ ပိုသိတာက ဒါးတန်းသူခင်ခင်ထား ဒါကတော့ သင်္ကြန်မိုးထဲက မင်းသမီးခင်သန်းနု သရုပ်ဆောင်ခဲ့တာကိုး။ ရုပ်ရှင်ထဲတော့ ခင်ခင်ထားက ဒါးတန်းထဲမှာနေတာပေါ့ လာရိုက်တော့ နေတဲ့အိမ်ကပွဲကုန်းလမ်းမတန်းမှာ။ ဦးသန့်ပြီးတော့ မြို့မနဲ့တွဲလျက် လူတိုင်းသိတာက မြို့မငြိမ်း။ မြို့မငြိမ်းဆိုလို့ အခုပဲ Youtube ကနေ ကသစ်ပန်းကို ပြန်ပြီးနားထောင်ဖြစ်လို့ ဒါးတန်းကိုသတိရလို့ရေးထားတာပါ။ ဒီလောက်စာလုံးပေါင်းခက်တဲ့ သီချင်းကို မြို့မငြိမ်း ဘယ်လိုများစဥ်းစားရေးပါလိမ့်။ ကိုအ့ကြီးကလည်း ပြီပြီသသဆိုလို့ တော်သေးတာပေါ့ ဒါတောင်စာသားကို မနည်းစာလုံပေါင်းမှန်အောင်ရိုက်ရတယ် ဒါတောင်တစ်ချို့စကားလုံးတွေ မသေချာဘူး မှားနိုင်တယ်။ ဒီလိုပဲ မအားတဲ့ကြားက ဆားချက်လိုက်တယ်။ ဆောင်းတွင်းကြီး ကသစ်ပန်းလို့ ပြောချင်လည်းပြောသွား ဒို့ဆီတော့ အခုမိုးရာသီပဲ ကြည့်ရတာ အသူရိန်နဲ့ သိကြားတွေလည်း တစ်နိုင်ငံချင်းစီလှည့်ပြီး မိုးရွာတာရှာပြီး အမြဲစစ်ခင်းနေတယ်ထင်ပါတယ်။
နတ်စည်ငယ်လေ ပုဇွန့်လက်ရိုး အာလမ္ဗဒါ ကျော့ကွန်းသံဝါ ဆော်ရွမ်းညံစာစာ တိမ်ယံအာကာ နီလာပြင်ဆိုင်း သင်တိုင်းခြုံလှာ အုံ့မှိုင်းညိုပြာ မိုးထက်ကဲဝဠာ ကိုးချက်နယ်မှာ တိမ်ခိုးယှက် မိုးသည်းကလေးတွေဖြာ
ဝေဆာ သခွပ်ဖြူပင်မင်း ငွေအဆင်းပွင့်ချိန်မှာ အသူရာ ဒေါသထွက်လို့ မြင့်မိုရ်ထက်ကိုတက်လို့ စစ်ဖက်တဲ့အခါ အုံ့ကာလေတစ်ဖွဲဖွဲ ရွာလေတစ်သဲသဲ
(လွဲခဲ့ကြရရှာ နတ်တို့နတ်ရွာ ဝတိံသာ အသူရိန်တွေဟာ ဘုံသာဝေယံနန်းမြင့် ကသစ်ပန်းပွင့်ရတုဖြာ သဘင်ပွဲအပြုမှာ) ၂
သြော် သခွတ်ဖြူစွာ အပွင့်ကိုသာမြင်တော့မှ ဝတိံတွင်မဟုတ်ပါလား ဟရို့ရဲ့ သေနင်ဗျူဟာ နတ်အသူရာမင်းငဲ့လေး စစ်ခင်လုမယ်လာ ရှေးရှု့ဝတိံသာ
ဝေဆာ သခွပ်ဖြူပင်မင်း ငွေအဆင်းပွင့်ချိန်မှာ အသူရာ ဒေါသထွက်လို့ မြင့်မိုရ်ထက်သို့တက်လို့ စစ်ဖက်တဲ့အခါ အုံ့ကာလေတစ်ဖွဲဖွဲ ရွာလေတစ်သဲသဲ
အာလိန်ငါးဆင့် နဂါးနှင့် ဂဠုန်ရံ ဂုမာ္ဘန်ယက္ခ စတုမဟာရာဇာ မခံနိုင်ကြလို့သိကြားထွက်တဲ့အခါ တွက်ရေတစ်သိန်းခြောက်သောင်း ရှစ်ထာင့်ယူဇနာ ဝရဇိန်လှတ်ကာ မြင်းမိုရ်ကိုပင် သူခွင်းခြင်းထွင်းလို့ဖောက်နိုင်တာ နတ်မြင်းတစ်ထောင်ကတဲ့ ရထားဝေဇယန္တာ ရန်ဖန်မာန်တင်းသားက ဆင်တော်သုမိတ္တာ ရဲတံခွန်လှားသုံးဆယ်သုံးပါး သိကြားနှယ်ပါ နေလနတ်သားလေးပါး စစ်အင်္ဂါ ပင်လုံးကွတ်သခွပ်ပွင့်ချိန်အခါ
ဝေဆာ သခွပ်ဖြူပင်မင်း ငွေအဆင်းပွင့်ချိန်မှာ အသူရာ ဒေါသထွက်လို့ မြင့်မိုရ်ထက်သို့တက်လို့ စစ်ဖက်တဲ့အခါ အုံ့ကာလေတစ်ဖွဲဖွဲ ရွာလေတစ်သဲသဲ
(နှစ်တိုင်းပင် သခွပ်ပွင့်ချိန်မှာ သိကြားနဲ့အသူရာ သမက်နဲ့ယောက္ခမ ဘောက်ကျလို့လည်း အားမရနိုင်ရှာ) ၂
ဒါကိုအားမကျဖို့ မယားအလှတောင်းပန်မှာ ယောက္ခမဆိုတာ တည့်အောင်ပေါင်း ကျောင်းကိုပို့ ဥပုသ်ရက်ရှည်စောင့်ခိုင်းမှာ
(ဝေဆာ သခွ