Calm Hill My Random Thoughts

ပုံပြင်စာအုပ်

ငယ်ငယ်က ညီအစ်ကိုနှစ်ယောက် ကိုရင်ဝတ်တော့ ကျောင်းထိုင်​ကိုယ်တော်ကြီးက ဆော့လွန်းလို့ထိမ်းမနိုင်တာနဲ့ ဖတ်စရာစာအုပ်ကလေးတွေ ပေးပါတယ်။ မှတ်မှတ်ရရ ဘုန်းကြီးကျောင်းဆိုတော့ ဘုန်းကြီးကျောင်းနဲ့ဆိုင်တဲ့ ပုံပြင်စာအုပ်လေးတွေရှိပါတယ် ဖတ်လို့ကောင်းတာက လူထုဦးလှရေးတဲ့ ကျောင်းကန်အနီးက မြန်မာပုံပြင်များစာအုပ်ပါ။ ငယ်တုံးကသဘောကျတာက ရယ်ရတာလည်းပါပါတယ် က​လေးဆိုတော့ ကိုယ်ကလည်းကိုရင်ဝတ်နဲ့ဆိုတော့ တိုက်ဆိုင်တာလည်း ပါတယ်ပေါ့။ ကြီးလာတဲ့အထိ အဲဒီ့စာအုပ်ကို သဘောကျတုံးပါ ပုံပြင်ဆိုပေမယ့် ဗမာ့ဓလေ့ကိုပေါ်လွင်တယ် အခုခေတ် ​ကလေးတွေကိုလည်း အဲဒါတွေကိုသိစေချင်မိတယ် ဗမာအကြောင်း ဗမာမှမသိရင် အင်မတန်ရှက်စရာကောင်းလှတယ်။ စကား​ပြောရင် ဥပမာနဲ့ပြောတတ်တဲ့ ကိုယ့်လိုလူအတွက်တော့ စာအုပ်ထဲကပုံပြင်အတိုလေးတွေဟာ သဘောကျစရာလေးတွေပါ အဲဒီ့စာအုပ်ဟာ အခုအချိန်မှာပြန်ရှာဝယ်လို့ မရ​သလောက်ဖြစ်သွားတယ်။ ဒီနေ့ပဲ အဲဒီ့စာအုပ်ကို Myanmar Ebooks မှာတွေ့လို့ ဝမ်းသာမိတယ်။ အောက်မှာပြထားတဲ့လင့်မှာ ယူလို့ရပါတယ်။
http://www.myanmarebooks.net/?p=3177
အခုအချိန်အထိ ကျွန်တော်ဘယ်တော့မှ ဖတ်လို့မရိုးတဲ့ ပုံပြင်စာအုပ်တွေဆိုရင် ဗန်းမော်ဆရာတော်၊ စကားတောင်စား၊ ဇော်ဂျီတစ္ဆေ​ပြောသောပုံပြင်များ အဲဒါတွေကိုပြရမယ်။ ကလေးတွေအတွက် ဗမာ့လူနေမှု့ကိုလည်း သိသွားမယ် ဒေသအလိုက်မတူညီတဲ့ စကားလုံး အသုံးအနှုံးကိုလည်း သိလာမယ် ဘာပဲဖြစ်ဖြစ်ကောင်းပါတယ် အတုယူမှားစရာ အကြောင်းအရာ တစ်ခုမှမပါပါဘူးလေ။ ဘာသာပြန်ပုံပြင်တွေ အများကြီးတွေ့မိတယ် တကယ်တော့ ဒါတွေဟာ ဒုတိယဦးစာ​းပေးတွေပါ စင်ဒရဲလားမသိလို့လည်း ဘာမှမဖြစ်ပါဘူး တစ်ထောင့်တစ်ညလို ကုလားပုံပြင်လည်း မသိချင်နေပါစေဦး ဗမာပုံပြင်တော့ သိသင့်ပါတယ်လေ။ ဘာပဲဖြစ်ဖြစ် ကျောင်းကန်အနီးမှ မြန်မာပုံပြင်များကို ပြန်ဖတ်ခွင့်ရတာကိုပဲ ဝမ်းသာလှပါတယ်။
comments powered by Disqus